Balakən rayonunda 28 yaşlı şəxsə xəsarət yetirilib. 

Oxu.Az-ın məlumatına görə, 1994-cü il təvəllüdlü Balakən şəhər sakini Samiddin Quliyev belin kəsilmiş-deşilmiş və qulağın kəsilmiş yaraları xəsarətləri ilə rayon mərkəzi xəstəxanasına daxil olub.

Daxili İşlər Nazirliyinin Mətbuat Xidmətinin Şəki regional qrupundan bildirilib ki, hadisəni törədən şəxs və yaxud şəxslərin müəyyən olunaraq saxlanılması istiqamətində Balakən Rayon Polis Şöbəsinin əməkdaşları tərəfindən əməliyyat-axtarış tədbirləri keçirilir.