FLAŞ
» » Şəkidə ölümlə nəticələnən ağır yol qəzası baş verib

Şəkidə ölümlə nəticələnən ağır yol qəzası baş verib


APA-nın şimal-qərb bürosunun məlumatına görə, hadisə gecə saat 01 radələrində Qaraməryəm-İsmayıllı-Şəki avtomobil yolunun Şəki rayonu Aşağı Küngüt kəndi ərazisindən keçən hissəsində baş verib. Balakən rayon sakini, 1990-cı il təvəllüdlü İbrahim Rəhim oğlu Ağalarovun idarə etdiyi “Mersedes” markalı minik avtomobili idarəetmədən çıxaraq yolun kənarındakı ağaca çırpılıb.

Qəza zamanı sürücü İ. Ağalarov aldığı ağır xəsarətlərdən hadisə yerində ölüb.

Avtomobildə olan sərnişin, Balakən rayon sakini 1995-ci il təvəllüdlü Günel Bəhram qızı Göyüşova aldığı müxtəlif dərəcəli bədən xəsarətləri ilə Şəki Rayon Mərkəzi Xəstəxanasına yerləşdirilib.

Qəza zamanı sükan arxasında sıxılmış vəziyyətdə qalan İ. Ağalarovun meyiti Fövqaladə Hallar Nazirliyinin (FHN) Şəki rayon Dövlət Yanğından Mühafizə Hissəsinin xilasediciləri tərəfindən çıxarılaraq aidiyyəti üzrə təhvil verilib.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı 050 691 32 26 Whatsapp nömrəsinə göndərin

Hamı bilsin ki, bununla məsələ bitməyəcək !


Şərh yaz

Şərh yaz

yenilə, əgər kod görünmürsə