Rayonun idarəetmə sistemində gəncləşmə və peşəkarlıq prinsipləri əsas götürülərək növbəti addım atılıb. Yerli idarəetmədə intellektual potensialı yüksək, dövlətçiliyə sadiq və təşəbbüskar gənclərin irəli çəkilməsi istiqamətində aparılan siyasət Balakəndə də ardıcıl şəkildə davam etdirilir.

Bu çərçivədə, Balakən Rayon İcra Hakimiyyətinin başçısı Natiq Ağayevin müvafiq qərarı ilə Zeynalabid Zahid oğlu Əmrəliyev "Balakən Yaşıllıq Təsərrüfatı Sahəsi" MMC-nin rəisi vəzifəsinə təyin olunub.

Yeni təyinat təkcə kadr dəyişikliyi deyil, həm də yerli idarəetməyə yeni yanaşmanın göstəricisi kimi qiymətləndirilir. Zeynalabid Əmrəliyev savadı, işgüzarlığı və yüksək insani keyfiyyətləri ilə seçilən gənc kadr kimi, rayonun yaşıllaşdırma və abadlıq işlərinə müasir və innovativ metodların tətbiqini hədəfləyir.

Bu kimi təyinatlar dövlətlə vətəndaş arasında inamın daha da möhkəmlənməsinə xidmət edir.

Yeni rəhbərin qarşısında duran əsas vəzifələr sırasında rayonun ekoloji mühitinin qorunması, yaşıllıq təsərrüfatının daha səmərəli təşkili və abadlıq işlərinin keyfiyyətcə yeni mərhələyə keçirilməsi yer alır.

Mövcud infrastrukturun yenilənməsi, texniki və təşkilati problemlərin mərhələli şəkildə aradan qaldırılması, müasir şəhərsalma və yaşıllaşdırma təcrübələrinin tətbiqi, rayonun estetik görünüşünün daha da zənginləşdirilməsi gənclərin gücü ilə inkişafın əsas rəhninə çevrilir.

Bu təyinat bir daha göstərir ki, Balakəndə gənclərin potensialına böyük önəm verilir. Dövlət idarəçiliyində “yeni nəfəs” kimi qiymətləndirilən bu yanaşma digər gənclər üçün də stimul və nümunədir.

İnanırıq ki, Zeynalabid müəllim ona göstərilən etimadı əməli fəaliyyəti ilə doğruldacaq, rayonun yaşıllaşdırılması və abadlaşdırılması istiqamətində mühüm işlərə imza atacaq.

Şahidi olduğunuz hadisələri çəkib bizə göndərin! 7/24 whatsapp