İş adamı öz vəsaiti hesabına Balakən rayon inteqrasiya təlimli internat tipli gimnaziyada təmir işləri aparıb.

Rusiya Federasiyasında  yaşayan balakənli iş adamı, Katex kənd sakini  Mamedov Qalib Əhmədov oğlu şəxsi vəsaiti ilə Balakən rayonu inteqrasiya təlimli internat tipli gimnaziyanın binasında təmir işləri aparıb. Gimnaziyanın iclas və idman zalının, soyunub-geyinmə otaqlarının yararsız olan, çürümüş döşəməsi təmir edilib, həmçinin binanın su xətləri və kranları yenilənib. Nəticədə 200 aztəminatlı ailənin övladının  təhsil şəraiti yaxşılaşıb.


Öz elinə-obasına bağlı olan Qalib Mamedov bu fəaliyyəti ilə ölkəsinə, doğulduğu rayona  faydalı bir övlad olduğunu, vətəninə layiqincə xidmət etdiyini sübut edib. Eyni zamanda əminik ki, Qalib Mamedov  ölkəmizin gələcəyi olan uşaqların təhsilinə verdiyi dəstək digər iş adamları üçün də nümunə olacaqdır.

Qeyd edək ki, mart ayının 3-də rayon icra hakimiyyətinin başçısı Natiq Ağayev Balakən rayonu inteqrasiya təlimli internat tipli gimnaziyada olmuş, gimnaziyanın mövcud şəraiti ilə maraqlanmış, nöqsanların aradan qaldırılması üçün müvafiq tapşırıqlar vermişdir. Habelə təhsil müəssisələrinin maddi-texniki bazasının yaxşılaşdırılmasına dövlət qurumları ilə yanaşı hər bir vətəndaşın da dəstək verməsinin vacibliyini vurğulamışdır.

Şahidi olduğunuz hadisələri çəkib bizə göndərin! 7/24 whatsapp