30.03.2026-cı il tarixdə Balakən Rayon Şəhidlər Xiyabanında itkin şəhidimiz Cavanşir Həsənovun 40 mərasimi keçirilib.

Mərasimdə Balakən Rayon İcra Hakimiyyətinin başçısı Natiq Ağayev, rayonumuzun hüquq-mühafizə orqanlarının rəhbərləri, şəhid ailələri, qazilər,  şəhidimizin yaxınları və ictimaiyyət nümayəndələri iştirak etmişdir. Şəhidimiz Cavanşir Həsənov 1992-ci il Ağdərə istiqamətində gedən döyüşlərdə itkin düşmüş və nəşi 19 fevral 2026-cı il tarixində Əsir və itkin düşmüş girov götürülmüş vətəndaşlarla əlaqədar Dövlət Komissiyasının təşkilatçılığı ilə tapılaraq ailəsinə təhvil verilmiş və doğulduğu Balakən rayonunda Şəhidlər Xiyabanında dəfn edilmişdir. 

Tədbirdə şəhidimizin keçdiyi döyüş yolundan,  müzəffər Ali Baş Komandanın rəhbərliyi ilə Vətən Müharibəsi və Anti-terror əməliyyatı zamanı qazanılmış qələbədən,  işğaldan azad edilmiş ərazilərdə itkin düşmüş şəxslərin nəşlərinin tapılaraq ailələrinə təhvil verilməsindən və   dövlətimizin bugünkü uğurlarından danışıldı. 

Şəhidin məzarı önünə gül dəstələri düzülüb, əziz xatirəsi dərin ehtiramla yad edilərək şəhidin ruhuna dualar oxundu. 

Şəhidin ailə üzvləri göstərilən diqqət və qayğıya görə dövlət başçısı cənab İlham Əliyevə və Azərbaycan Respublikasının Birinci Vitse-prezidenti Mehriban xanım Əliyevaya dərin minnətdarlıqlarını bildirdilər.

Allah bütün şəhidlərimizə rəhmət eləsin!

Şahidi olduğunuz hadisələri çəkib bizə göndərin! 7/24 whatsapp