Kənd Təsərrüfatı Nazirliyi tərəfindən bir sıra rayonlarda fəaliyyət göstərən Dövlət Aqrar İnkişaf Mərkəzlərinin direktorları vəzifələrindən azad edilib.

Balaken.info-nun əldə etdiyi məlumata görə, aparılan dəyişikliklər Qəbələ, Balakən, Neftçala və Hacıqabul rayonlarını əhatə edir.

Balakən rayonu üzrə həyata keçirilən dəyişikliklərə əsasən, 2016-cı ildən Balakən Dövlət Aqrar İnkişaf Mərkəzinin direktoru vəzifəsində çalışan Şərifov Məhəmməd Şirin oğlu vəzifəsindən azad olunub. Onun yerinə direktor əvəzi vəzifəsinə Səmədov Elvin Rafiq oğlu təyin edilib.

Qeyd edək ki, Dövlət Aqrar İnkişaf Mərkəzləri rayonlarda kənd təsərrüfatı sahəsinin inkişafı, fermerlərə göstərilən xidmətlərin təşkili və dövlət dəstəyi mexanizmlərinin icrası istiqamətində mühüm rol oynayır.

Yeni təyinatın Balakən rayonunda aqrar sahənin daha da inkişafına və fermerlərlə işin səmərəliliyinin artırılmasına töhfə verəcəyi gözlənilir.qaynarinfo//

Şahidi olduğunuz hadisələri çəkib bizə göndərin! 7/24 whatsapp