Balaken.info xəbər verir ki, təsdiqlənmiş qrafikə əsasən, Azəristiliktəchizat ASC-nin sədri İlham Mirzəliyev tərəfindən vətəndaşların qəbulu Balakən şəhərində təşkil olunacaq.

Qəbul zamanı Balakən və Zaqatala rayonlarının sakinləri müraciət edə biləcəklər. Görüş 2026-cı il yanvarın 23-də keçiriləcək.

Qəbulda vətəndaşların istilik təchizatı ilə bağlı müraciət və təkliflərinin dinlənilməsi, qaldırılan məsələlərin qanunvericiliyə uyğun şəkildə araşdırılması nəzərdə tutulur.

Qeyd edək ki, vətəndaş qəbulları mərkəzi icra hakimiyyəti orqanları ilə əhali arasında birbaşa ünsiyyətin gücləndirilməsinə, mövcud problemlərin yerində öyrənilərək operativ həllinə xidmət edir.

Şahidi olduğunuz hadisələri çəkib bizə göndərin! 7/24 whatsapp