İstirahət günlərində Bakı-Balakən və Zaqatala-Bakı marşrutu üzrə qatar biletlərinin qiymətinin 22-25 manat arası dəyişməsi bölgə sakinlərinin narazılığına səbəb olub.

Onlar bildirirlər ki, qiymət artımı xüsusilə şənbə və bazar günləri hiss olunur.

"Azərbaycan Dəmir Yolları" QSC qiymət artımının səbəblərini belə açıqlayıb:

"Dəmir yollarında əsasən elektrik və dizeldən istifadə edilir. Son altı ildə elektrik enerjisinin qiymətində 20%-dən çox, dizelin qiymətində isə 70%-dən çox artım var. Bunlar təbii ki, qiyməti müəyyənləşdirməyə təsir edir".