Azərbaycan Yerüstü Nəqliyyat Agentliyindən (AYNA) balaken.info-ya verilən məlumata görə, sərnişindaşıma xidmətinin keyfiyyətini artırmaq məqsədilə Gəncə–Balakən marşrutu da daxil olmaqla bir sıra şəhərlərarası və rayondaxili avtobus xətlərini müsabiqəyə çıxarıb.

Balakən istiqamətindəki bu marşrut üzrə müsabiqə 10 sentyabr 2025-ci il tarixində keçiriləcək.

Sərnişindaşıma fəaliyyəti ilə məşğul olmaq istəyən daşıyıcılar müvafiq sənədləri 23 avqust saat 17:00-dək AYNA-ya təqdim etməlidirlər. Müsabiqədə əsas nəqliyyat vasitələri ilə yanaşı, ehtiyat avtobusların da təqdim olunması tələb olunur.

Bu addım bölgə sakinlərinin daha keyfiyyətli, rahat və təhlükəsiz nəqliyyat xidmətləri ilə təmin olunmasına xidmət edir.