Balakən rayonunun Qullar kəndində yerləşən Eyvaz Əliqayev adına Qullar 2 nömrəli kənd tam orta məktəbində “Son zəng” tədbiri keçirilib.

Tədbirdə müəllimlər, valideynlər və şagirdlərlə yanaşı, Balakən Rayon İcra Hakimiyyətinin birinci müavini Turan Dibirov da iştirak edib.

Tədbirin açılışını məktəbin direktoru Tamella Mahamaxanova edərək, məzunlara təhsil həyatlarında qazandıqları uğurların davamını arzulayıb. O, çıxışında qeyd edib ki, bu gün məzunlar üçün həyatlarında yeni bir mərhələnin başlanğıcıdır və onların qarşısında geniş imkanlar açılır. Direktor çıxışında həmçinin onlara elmə, biliyə və vətənə sədaqətlə xidmət etməyi tövsiyə edib.

Tamella Mahamaxanova çıxışında ölkə Prezidenti cənab İlham Əliyevin rəhbərliyi ilə son illərdə təhsil sahəsinə göstərilən xüsusi diqqət və dövlət qayğısından da bəhs edərək bildirib ki, bu gün Azərbaycanda təhsilin keyfiyyəti durmadan artır, məktəblərin maddi-texniki bazası gücləndirilir, müasir tədris metodları tətbiq olunur. Bu, gələcək nəslin bilikli, vətənpərvər və müasir düşüncəli yetişməsinə mühüm zəmin yaradır.

Direktor həmçinin Elm və Təhsil Naziri cənab Emin Əmrullayevin rəhbərliyi ilə ölkədə təhsilin keyfiyyətinin yüksəldilməsi, müəllim peşəsinin nüfuzunun artırılması və ümumilikdə təhsil infrastrukturunun inkişafı istiqamətində həyata keçirilən məqsədyönlü və sistemli islahatlardan da danışıb. Qeyd olunub ki, bu islahatlar nəticəsində təhsildə şəffaflıq artırılıb, müəllimlərin bilik və bacarıqları obyektiv qiymətləndirilir, eyni zamanda innovativ yanaşmaların tətbiqi genişlənir.

Çıxışında Şəki-Zaqatala Regional Təhsil İdarəsinin müdiri Günay Mahmudovanın da bölgədə təhsilin inkişafına verdiyi töhfələr xüsusi qeyd olunub. Bildirilib ki, onun rəhbərliyi ilə regionda bir sıra uğurlu layihələr həyata keçirilir, məktəblərin idarəetmə mexanizmi təkmilləşdirilir və müəllim-şagird münasibətlərində müasir yanaşmalar tətbiq edilir.

Daha sonra çıxış üçün söz Balakən Rayon İcra Hakimiyyətinin birinci müavini Turan Dibirova verilib. Turan müəllim çıxışında bildirib ki, bu günün ikiqat mahiyyəti var. Bir tərəfdən məktəb məzunları üçün həyatlarında yeni bir mərhələnin başlanğıcıdırsa, digər tərəfdən də 15 iyun Azərbaycanın dövlətçilik tarixində dönüş nöqtəsi olan əlamətdar bir gündür.

O vurğulayıb ki, 1993-cü ilin 15 iyun tarixində ümummilli lider Heydər Əliyevin xalqın israrlı tələbi ilə yenidən siyasi hakimiyyətə qayıdışı ölkəmizin gələcək taleyini müəyyənləşdirən mühüm bir hadisə olmuşdur. Həmin dövrdə Azərbaycan dərin siyasi böhran, vətəndaş qarşıdurması və dövlətin dağılmaq təhlükəsi ilə üz-üzə idi. Belə kritik bir məqamda Heydər Əliyevin hakimiyyətə qayıdışı ölkəni xaosdan, parçalanmadan və anarxiyadan xilas etmiş, sabitlik və inkişafın təməlini qoymuşdur.

Turan Dibirov qeyd edib ki, Milli Qurtuluş Günü sadəcə bir tarixi hadisə deyil, eyni zamanda azərbaycançılıq ideologiyasının əsas prinsiplərinin bərqərar olduğu, dövlətin hüquqi əsaslarla idarə olunmasına keçidin başlandığı bir gündür. Məhz həmin tarixdən sonra Azərbaycan siyasi və iqtisadi baxımdan sabitləşmiş, beynəlxalq aləmdə etibarlı tərəfdaş kimi tanınmağa başlamışdır.

Çıxışının davamında Turan müəllim ölkə Prezidenti cənab İlham Əliyevin rəhbərliyi ilə son illərdə təhsil sahəsinə göstərilən xüsusi diqqət və qayğıdan da bəhs edib:


Turan Dibirov çıxışında həmçinin Azərbaycanın əldə etdiyi böyük Qələbəyə də toxunaraq deyib:


Sonda Turan müəllim məzunlara uğurlar diləyərək onların gələcəkdə ölkəmiz üçün layiqli vətəndaşlar olacaqlarına inamını ifadə edib.

Tədbir məktəblilərin ifasında musiqi və şeirlərlə, eləcə də rəqs nömrələri ilə davam edib. Məzunlar məktəb illəri ilə vidalaşaraq müəllimlərinə təşəkkürlərini bildiriblər və xatirələrlə dolu duyğusal anlar yaşanıbdır.