Balaken.info-ya səni axtarıram verilişindən verilən məlumata görə, Yetimovlar ailəsindən Nazqız xanımın "Səni Axtarıram" verilişinə müraciətindən sonra, 56 il əvvəl doğum evində baş vermiş səhvin üstü açılıb və ayrı düşmüş doğma bacılar illər sonra bir-birilərini tapıblar.

Sovet dövründə baş verən bu səhv nəticəsində yeni doğulan körpələr fərqli ailələrə verilib. Nazqız xanım illərlə davam edən axtarışlardan sonra proqram vasitəsilə doğma bacısını tapa bilib. Araşdırmalar, sənədlər və DNA testləri onların doğma olduğunu təsdiqləyib.

Verilişin canlı yayımında baş tutan görüş zamanı yaşanan emosional anlar tamaşaçıları göz yaşına boğub. Bacılar bu illərin ayrılığını geridə qoyaraq yenidən ailə bağları qurmağa qərar veriblər.