Balakən Dövlət Peşə Təhsili Mərkəzi PHŞ-in 31902225 №-li Bağban-dekorator (dual) qrupunun tələbələri “Balacans Agro Food” MMC-nin meyvə bağında istehsalat təlimi məşğələlərində iştirak ediblər.

Təcrübə məşğələsi təcrübəli bağban Məhəmməd Bazarovun rəhbərliyi ilə həyata keçirilib. Təlim zamanı tələbələr “Bağlarda Qış Müalicə Tədbirləri” mövzusunda nəzəri və praktiki biliklər qazanıblar. Onlar ağaclara aqrotexniki qulluq tədbirlərinin icrasında yaxından iştirak edərək, əldə etdikləri bilikləri praktik mühitdə tətbiq ediblər.

Bu cür təcrübələr tələbələrin nəzəri biliklərini möhkəmləndirir, peşə bacarıqlarının inkişafına və gələcək fəaliyyətlərində daha peşəkar yanaşmalar formalaşdırmasına şərait yaradır.

Şahidi olduğunuz hadisələri çəkib bizə göndərin! 7/24 whatsapp