Balaken.info Bakunews istinadən xəbər verir ki, Balakən rayonunun Səttar Gözəlov küçəsində ağır yol-nəqliyyat hadisəsi qeydə alınıb. 

İlkin məlumata görə, hərəkətdə olan “Qazel” markalı yük avtomobili qarşısında dayanan, 34 BE 440 dövlət nömrə nişanlı “VAZ 2106” markalı minik maşınına arxadan çırpılıb. Qəza nəticəsində minik avtomobilində olan şəxs xəsarət alıb və dərhal xəstəxanaya çatdırılıb.

Hadisə yerinə hüquq-mühafizə orqanlarının əməkdaşları cəlb olunub. Faktla bağlı araşdırma aparılır. Qəzanın dəqiq səbəbləri ekspertiza nəticəsində müəyyənləşəcək.