Balaken.info məlumatına görə, 05 fevral 2025-ci il tarixində Balakəndə qaz təchizatı müvəqqəti dayandırılacaq.

Zaqatala RQİİ-nin Balakən rayonu ərazisində aparılan texniki işlər çərçivəsində Balakən Qaz Paylayıcı Stansiyasının daxilində və 28 May küçəsində istismara yararsız d-150 mm-lik və D-200 mm-lik siyirtmələrin yenilənməsi planlaşdırılır. Eyni zamanda, rayon ərazisində və Qaz Paylayıcı Stansiyada aşkar olunan qaz sızmalarının aradan qaldırılması həyata keçiriləcək.

Bu səbəbdən 05.02.2025-ci il saat 09:30-dan etibarən Balakən şəhəri, 1 qəsəbə və 26 kənddə (cəmi 20,724 əhali və 255 qeyri-əhali abonenti) qaz təchizatı müvəqqəti dayandırılacaq.

İşlər tamamlandıqdan sonra qazın verilişi bərpa olunacaq.