Milli Məclis yaz sessiyası başa çatdı. Yeni seçilən millət vəkillərinin ilk fəaliyyəti heç də sakit dönəmə düşmədi. Düyada olduğu kimi Azərbaycanda da Koronovirus Pandemiyası bütün sahələrdə çalışanlarla yanaşı millət vəkillərinin fəaliyyətində də ciddi problemlər yaratdı. Bəs bu çətin dönəmdə millət vəkillər necə fəaliyyət göstərdilər? Yaz sessiyasını necə başa vurdular? Seçiciləri onlardan razı qaldımı? Bu və ya digər sullarla millət vəkillərinə müraciət etdik. Müsahibimiz Milli Məclisin deputatı Nəsib Məhəmməliyevdir.

Nəsib müəllim prezidentin 100 gününü müzakirə edib qiymət verirlər. Bəs deputatlar üçün neçə gün lazımdır ki, fəaliyyətlərinə qiymət verilsin?

Prezidentin 100 günü dünyanın əksər ölkələrində, yeni seçilən ölkə başçısının fəaliyyətinə verilən simvolik qiymətdir. Deputatlarla bağlı belə bir qiymətləndirmə aparılmır və buna ehtiyac da yoxdur. Deputatın fəaliyyətinə ən obyektiv qiyməti, təmsil etdiyi dairənin seçiciləri verə bilər. Buda, bir və yaxud iki ilin ilin işi ilə deyi, uzun illər ərzində görülmüş işlərin nəticəsində formalaşmış ictimai rəyin nəticəsidir. Deputatın ikinci fəaliyyət sahəsi isə, parlament fəaliyyətidir. Bu da əsasən kütləvi informasiya vasitələrinin gözü qarşısındadır. Yaxşı olar ki, hər ilin yekunları ilə KİV- lərin, vətəndaş cəmiyyətinin nümayəndələri hər bir millət vəkili ilə görüşərək, onları və seçiciləri maraqlandıran sualları versinlər və qiymətləndirsinlər. Təbii ki, hər hansı subyektivliyə yol vermədən.

Milli Məclisin yaz sessiyasının fəaliyyəti size qane etdimi?

- Əsasən qane edir. Baxmayaraq ki, Milli Məclis koronovirus pandemiyası ilə əlaqədar, bir növ ekstremal şəraitdə çalışmışdır. Bəzi komitə iclasları on-layn rejimdə keçirilmiş, plenar iclaslarda sosial məsafə qorunmaqla ilk dəfə olaraq hökumətin hesabatı videokonfrans vasitəsilə dinlənilmiş, qiymət verilmişdir. Ən aktual məsələ olan, koronovirus pandemiyasının qarşısının alınması üçün, qısa vaxt ərzində qanunvericilik bazası formalaşdırıldı. Bu sahədə qanunların operativliyi tam təmin olundu. Milli Məclis üzvləri və aparat işçiləri, Respublika Prezidenti İlham Əliyevin və 1-ci vitse Prezident Mehriban xanım Əliyevanın təşəbbüsünə qoşularaq koronovirusla mübarizə fonduna 250 000 manat pul köçürdülər. Talassemiyadan əziyyətçəkən uşaqlara yardım məqsədi ilə qan vermə aksiyasında iştirak etdilər və s. Milli Məclsin fəaliyyətini qənaətbəxş hesab etmək olar.

Siz bir millət vəkili kimi yaz sessiyasında öz seçicilərinizin maraqlarını təmin edən və Milli Məclis tərəfindən qəbul edilən hər hansı bir qanun layihəsini misal çəkə bilərsiniz?

 Əsasən yaz sessiyasında qəbul olunan qanunlar, ölkə Başçısının başladığı geniş miqyaslı islahatlar kursuna uyğun olaraq qəbul edilmişdir. Bəzi qanunvericilik aktlarına edilən əlavə və dəyişikliklər isə sırf texniki xarakter daşımışdır. Hesab edirəm ki, qəbul olunan qanunlar, bütövlükdə Azərbaycan xalqının mənafeyinə uyğundur. O cümlədən mənim seçicilərimin. Yaz sessiyasında kifayət qədər qanunlar qəbul olunub və daha vaciblərindən, ,,vergi məcəlləsinə edilən,, ,,şəhərsalma ilə bağlı, tiknti məcəlləsinə əlavələr,, ekologiya ilə bağlı,,,icbari sığorta,, ,,inzibati xətalar məcəlləsinə edilən dəyişikliklər,, çoxdan gözlənilən qardaş ,,Türkiyə ilə qarşılıqlı viza rejiminin 90 günə çatdırılması,, və s. Yaz sessiyasının iş planı müzakirə olunanda təklif etmişdim ki, koronovirusla bağlı xüsusi qanunun qəbul edilməsinə ehtiyac var. Təəssüf ki, qəbul edilmədi.

Özünüzü aktiv deputat sayırsınızmı və seçiciləriniz sizdən razı qaldımı?

Xarakter etibarilə heç vaxt özümü reklam etməmişəm və etməyəcəyəm. Aktiv deputat olmağıma və yaxud olmamağıma gəldikdə tam məsuliyyətlə bir şeyi deyə bilərəm. Seçicilərimin qaldırdığı elə bir problem olmayıb ki, onları ya Milli Məclisin komitə plenar islaslarında və yaxud aidiyyəti icra orqanları qarşısında qaldırmayım. Son üç ayda isə, hər gün Balakən rayonunda yaşayan xəstə, əlil, tənha, imkansız ailələrin yanında olmuşam. Gündə iki dəfə səhər və axşam köməkçidən və icra hakimiyyətindən daxil olan müraciətlər barədə məlumat almışam. Kütləvi informasiya vasitələrinə məlumat vermədən. Seçicilərimin razı qalıb qalmamasını onlardan soruşmaq lazımdır.