Koronavirusa görə Azərbaycanda elan olunmuş karantin rejmin bitməsinə bir neçə gün qalıb. Bu gün hər kəsi Azərbaycanda aprelin 20-dən sonra iri ticarət mərkəzlərinin və digər iaşə obyektlərinin fəaliyyətinə icazə verilib-verilməyəcəyidir.

Bununla bağlı SONXEBER.AZ-a danışan deputat Nəsib Məhməliyev bildirib ki, cənab prezident 2020-ci ilin birinci rübünün sosial-iqtisadi yekunlarına həsr olunan videokonfrans şəklində keçirilən müşavirədə bu sualı cavablandıraraq qeyd etdi ki, biz vəziyyətə uyğun hərəkət edəcəyik və maraqlıyıq ki, vətəndaşlarımız tezliklə normal həyata qayıtsınlar: "Düzdür, ölkəmizdə koronavirusuna yoluxma dinamikası azalmağa doğru gedir. Ancaq mənə elə gəlir ki, ticarət mərkəzlərinin və digər iaşə obyektlərinin açılması hələ tezdir. Bu məsələdə insanlarımız səbrli olmalıdırlar. İlk növbədə iaşə obyektlərinin açılması prinsipial xarakter daşımır. İaşə obyektlərini və yaxud xidmət sektorunu bir-birindən fərqləndirmək istəməzdim. Çünki hər birinin cəmiyyətdə özünəməxsus əhəmiyyəti var. Bu gün əsas məsələ Azərbaycanda pandemiyanın yayılmasının qarşısının tam alınmasıdır. İnanıram ki, bunun da öhdəsindən xalq-dövlət olaraq birlikdə gələcəyik".

Aysel Yusifqızı