"Azərbaycan Respublikasının 1-ci vitse Prezidenti Mehriban xanım Əliyevanın koronovirusla bağlı xalqa müraciət etməsi, xalqını sevən, onun gələcəyi üçün narahatlıq hissi keçirən bir ananın, liderin həyəcanı təbilidir".

Bunu Sonxeber.az-a açıqlamasında Milli Məclisin deputatı Nəsib Məhəməliyev bildirib.

O, qeyd edib ki, belə bir həssas məqamda hörmətli Mehriban xanım Covid-19 virusunun ümumbəşəri bəla olduğunu, dünyanın inkişaf etmiş zəngin dövlətlərinin belə bu xəstəliyin qarşısını tam ala bilməməklərini göstərməklə yanaşı, dövlət strukturlarımızın gördüyü tədbirlərdən, hər bir vətəndaşımızın öz davranış qaydalarını xəstəliyə müvafiq formalaşdırmasının vacibliyindən söhbət açır:
"Əsaslı olaraq vurğulayır ki, koronovirusun qarşısını almaq üçün cəmiyyətin bütövlüyü, hər bir vətəndaşın qəbul olunan qanun və qərarlara riayət etməsi, virusa qarşı müvafiq vaksin tapılana qədər dözümlü olmağı tövsiyə edir. Düşünürəm ki, Birinci xanımın müraciətindən hər bir vətəndaşımız düzgün nəticə çıxaracaq və qısa zaman kəsiyində həyat öz normal axarına dönəcək".