Müharibədən sonra Ermənistanda bəzi qüvvələr Qarabağda təxribatlar törətmək üçün bu bölgəyə silahlıq dəstələr, diversiya qrupları göndərir. Bəzi mütəxəssislər Qarabağda fəailiyyət göstərən həmin diversiya dəstələrinin arxasında Rusiya ilə münasibətləri korlamaq istəyən Avropanın bəzi güclərin dayandığını qeyd edirlər. Konkret olaraq bu dəstələrə İrəvanda mərkəzi olan Fransa Müdafiə Nazirliyinin Baş Xarici Təhlükəsizlik İdarəsinin (Direction générale de la Sécurité extérieure, DGSE) əməkdaşlarının nəzarət etdiyi bildirilir.

Müsahibimiz Milli Məclisin deputatı Nəsib Məhəməliyevdir.

- Müharibədən sonra Ermənistanda bəzi qüvvələr Qarabağda təxribatlar törətmək üçün bu bölgəyə silahlıq dəstələr, diversiya qrupları göndərir. Sizcə bu qüvvələrin məqsədi Rusiya, Azərbaycan və Ermənistanın imzaladığı birgə bəyyannaməni pozmaqdır, yoxsa savaşla barışmayan qüvvələrin revanş götürmək cəhdidir?

- Müharibədən sonra erməni cəmiyyətində ictimai-siyasi qüvvələrin parçalanması o səviyyəyə çatmışdır ki, nə xalqın etibar etdiyi bir lider var, nə də ki, müxtəlif təbəqələri özündə birləşdirən güclü siyasi partiya. Cəmiyyətdə xaos, psixoloji pozğunluq hökm sürür. Bəzi millətçi kəsim, konkret olaraq, məşhur Daşnaksütün partiyası, revanş əldə etmək istəyən Qarabağ klanı, müxtəlif ölkələrin və xarici ölkələrdə yaşayan diaspora nümayəndələrinin maraqlarını təmsil edən siyasi qüvvələr Paşinyanı cəzlandırmağa çalışırlar. Reallıq ondan ibarətdir ki, hakimiyyətdə kimin olmasından asılı olmayaraq, üçtərəfli bəyannaməni heç kim poza bilməz. Ayrı-ayrı silahlı dəstələri göndərməklə, nəyəsə nail olmaq mümkün deyil. Hadrut meşələrində gizlənmiş daşnak qalıqları belə bir “zarafat” etmək istədilər və bir neçə saat ərzində müzəffər əsgərlərimizə əsir düşdülər. İşğal dövründə dövlət sərhədlərimiz bir neçə yerdən pozulduğuna görə, hal-hazırda demarkasiya işləri aparılır. SSRİ dövründə mövcud olmuş sərhədlər bərpa olunur. Paşinyan da bunu etiraf etmişdir və başa düşür ki, yol kəsməklə revanşist qüvvələr bundan ona qarşı istifadə etmək istəyirlər.

- Son günlər bəzi mətbuat səhfələrində o cümlədən visiontv.az saytında belə bir məlumat verdik ki, Qarabağda fəailiyyət göstərən həmin diversiya dəstələrinin fəailiyyətində Rusiya ilə münasibətləri korlamaq istəyən Avropanın bəzi gücləri maraqlıdır. Konkret olaraq bu dəstələrə İrəvanda mərkəzi olan Fransa Müdafiə Nazirliyinin Baş Xarici Təhlükəsizlik İdarəsinin (Direction générale de la Sécurité extérieure, DGSE) əməkdaşları bir başa nəzarət edir və əmrlər verir. Bu cür məlumatların nə dərəcədə həqiqət payı var?

- Fransa başda olmaqla, bəzi Avropa ölkələrinin tutduğu mövqe beynəlxalq hüququn norma və prinsiplərinə zidd olmaqla bərabər, acı təəssüf doğurur. Düşünmürəm o ölkələr hərbi-texniki cəhətdən ciddi nəticə əldə etsinlər. Sülhməramlı qüvvələr tərəfindən regionun təhlükəsizliyi qorunur. Artıq Türk silahlı qüvvələrinin hissələri monitorinq prosesinə cəlb olunmuşlar. Fransa Müdafiə Nazirliyinin xarici təhlükəsizlik idarəsinin əməkdaşları maksimum suyu bulandıra bilər. Erməni ordusunun yaxın illərdə Azərbaycan əleyhinə hansısa əməliyyat keçirməsi ağıla batan deyil və mümkün deyil. Sadəcə bizimçün ən vacib məsələ işğaldan azad olunmuş rayonların tezliklə məskunlaşdırılmasıdır. Qalan məsələlər öz axarı ilə həllini tapacaq.