FLAŞ
» » "Sakinlərin qəflətən birinci xanıma göstərdikləri məhəbbət, məni də təsirləndirdi" - Deputat

"Sakinlərin qəflətən birinci xanıma göstərdikləri məhəbbət, məni də təsirləndirdi" - Deputat


Böyük insanların böyüklüyü onların adi insanlarla rəftarından bəlli olur.
T. Karleyl.

26.08.2019- cu il. Azərbaycan Respublikasının 1- ci vitse prezidenti, UNESKO və İSESKO-nun xoşməramlı səfiri Mehriban xanım Əliyevanın doğum günü münasibətilə ölkəmizin bütün bölgələrindən, dünyanın bir çox ölkələrindən insanlar təbriklər göndərir,onun şəxsiyyətinə hörmət və ehtiramlarını bildirirlər.

Hörmətli Mehriban xanımın ictimai- siyasi, ümumiyyətlə çoxşaxəli fəaliyyəti mətbuatda və digər KİV- lərdə kifayət qədər işıqlandırılmışdır. Ancaq bu statusda yaddaşımda həkk olunan, özündə Mehriban xanıma sadə xalq məhəbbətini ifadə edən iki hadisəni dostlarla bölüşmək istərdim.

Səhv etmirəmsə 2004-cü il idi.Balakən rayon aqrar islahat komissiyasının növbəti iclaslarının birinin keçirildiyi zaman Bakıdan zəng gəldi. Aydın oldu ki, avarların kompakt şəkildə yaşadığı ucqar Xalatala kəndindən Məhəmməd adlı on bir yaşında, xüsusi istedada malik, sağalmaz xəstəliyə düçar olmuş bir uşaq Mehriban xanıma müraciət edərək çəkdiyi rəsmləri ona göndərmiş və notebook xahiş etmişdir.Müraciətdən dərhal sonra Mehriban xanım onun arzusunu yerinə yetirir və kompyüterlə birlikdə salamlarını Məhəmmədə çatdırmağı tapşırır. Həmişə dövlətçiliyə sədaqətilə seçilən,ziyalı Qurbaçovlar ailəsinin bu diqqətə görə Mehriban xanıma olan sevincləri və duaları hüdudsuz idi...
Tale belə gətirdi ki,tutduğum vəzifənin icrası ilə əlaqədar ayrı ayrı sosial obyektlərin,ali və orta məktəblərin,təhsilə qədər və təhsildən kənar müəssisələrin təmiri, əlil, fiziki qüsurlu uşaqların, atılmış körpələrin şəraitinin yaxşılaşdırılması ilə bağlı hörmətli Mehriban xanımın insanlara qarşı necə münasibət bəslədiyinin və hər dəfə insan qəlbinin nə qədər nəcib, xeyirxah olduğunun şahidi olmuşam.

2008- ci ilin yay ayları idi.Mehriban xanım qızları Leyla və Arzu xanımla birlikdə Nəsimi rayonunun II mikrorayon ərazisində yerləşən uşaq bağçalarının təmiri ilə əlaqədar ərazidə görülən işlərlə tanış olurdu. Bir bağçanın yuxarı mərtəbəsindəki meydançaya qalxanda gördük ki, ətrafdakı beşmərtəbəli binaların bütün balkonlarından insanlar Mehriban xanımı böyük sevinclə səmimi şəkildə salamlayır, evlərinə qonaq dəvət edir, öz məhəbbətlərini bildirirdilər. Təbii olaraq sakinlərin qəflətən birinci xanıma göstərdikləri məhəbbət, bir rayon rəhbəri kimi məni də təsirləndirməyə bilməzdi.

Müşahidələrimə əsasən cəmiyyətimiz üçün olduqca əhəmiyyətli (zənnimcə) bir məsələni də qeyd etmək istərdim. Doxsanıncı illərin vətənimizə yaşatdığı çoxsaylı problemlərin nəticəsində uzun illər ərzində formalaşmış şəhər elitası, mədəniyyəti müəyyən qədər deqradasiyaya uğramışdı. Məhz Mehriban xanımın şəxsi nümunəsi,yaratdığı yeni standartlar sayəsində bu boşluqlar aradan qaldırılmış şəhərimiz dünyanın mədəniyyət mərkəzlərindən birinə çevrilərək istənilən inkişaf etmiş ölkələr üçün belə nümunə ola bilər.

Mehriban xanımın köhnə streotipləri, ələllxüsus düşmənlərimizin bütün dünyada müsəlman qadınları haqqında apardığı mənfur təbliğatının ifşa olunmasındakı rolu əvəzsizdir. 
Çoxsaylı təbriklərə qoşularaq Balakən rayonunun seçiciləri adından hörmətli Mehriban xanımı 55 illik yubileyi münasibətilə təbrik edirəm, çətin və şərəfli işində müvəffəqiyyətlər arzulayıram.

Milli Məclisin deputatı

Nəsib Məhəməliyev


DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı 050 691 32 26 Whatsapp nömrəsinə göndərin

Azərbaycanda karantin rejiminin yumşaldılması barədə qərar verildi


Şərh yaz

Şərh yaz

yenilə, əgər kod görünmürsə