» » “Yaxın günlərdə avtomobillərin təxliyyə xidmətinə başlanılacaq”

“Yaxın günlərdə avtomobillərin təxliyyə xidmətinə başlanılacaq”

Bakı şəhəri Səməd Vurğun küçəsi ilə Mirzəağa Əliyev küçəsinin kəsişməsində avtomobillər dayanma-durma tələbinə əməl etməyərək piyada keçidində, əlillər, uşaq arabalarının hərəkəti üçün nəzərdə tutulan pandusların üzərində park etdikləri müşahidə edilib.

Bizimyol.info xəbər verir ki, bu ünvanda dayanma-durma tələbinin düzgün yerinə yetirilməməsi digər hərəkət iştirakçıları ilə yanaşı piyadaların həyatına da böyük təhlükə yaradır.

Piyada keçidində nəqliyyat vasitələrinin saxlanılması, sürücülər tərəfindən qanunsuz zəbt edilməsi hallarının artması vətəndaşların haqlı narazılığına səbəb olur.

Bu ünvanda piyadaların hərəkəti üçün nəzərdə tutulan səkilərdə də nəqliyyat vasitələrinin saxlanılması müşahidə olunub. Səkidə avtomobillərin park edilməsi inzibati xəta tərkibi yaradır. Belə ki, səkilərin zəbt edilməsi piyadaların yolun hərəkət hissəsinə çıxmasına və beləliklə də onların həyatlarını təhlükə qarşısına qoyması ilə nəticələnir.

Sürücülərin diqqətinə çatdırılır ki, “ Yol hərəkəti haqqında” qanunun 52-ci maddəsi dayanma-durma, 53-cü maddəsi isə avtommobillərin parklanma tələblərini tənzimləyir.

Məsələ ilə bağlı Bakı Nəqliyyat Agentliyinin mətbuat xidmətinin rəhbəri Mais Ağayev bizimyol.info-ya bildirib ki, nəqliyyat vasitəsini bu formada park etmək yol hərəkəti qaydasının pozulması ilə yanaşı həm də cəmiyyətə qarşı açıq hörmətsizlikdir: “Bakı Nəqliyyat Agentliyinin əməkdaşları tərəfindən eyni zamanda qanunsuz parklanmaya intelektual nəzarət sisteminin kameraları vasitəsi ilə belə hallar aşkar ediləndə İnzibati Xətalar Məcəlləsinə uyğun tədbir görülür. Bildiyiniz kimi yaxın günlərdə təxliyyə xidmətinə də başlanılacaq. Bu faktın özü bir daha bu xidmətin zərurililiyini ortaya qoyur”.

Ramid İbrahimov

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı 050 691 32 26 Whatsapp nömrəsinə göndərin

MSK seçkilərin ilkin nəticələrini açıqladı - Lider namizədlər


Şərh yaz

Şərh yaz

yenilə, əgər kod görünmürsə