Fövqəladə Hallar Nazirliyindən APA-ya verilən xəbərə görə, noyabrın 26-da səhər saatlarında nazirliyin “112” qaynar telefon xəttinə Balakən rayonu, Qazbinə kəndi yaxınlığında minik avtomobilinin alışması barədə məlumat daxil olub. Dərhal əraziyə FHN-in Dövlət Yanğından Mühafizə Xidmətinin müvafiq qüvvələri cəlb olunub. 

Yanğınsöndürənlərin operativ müdaxiləsi nəticəsində salon hissəsi yanan və Gürcüstan vətəndaşına məxsus AM-065-AA Gürcüstan dövlət qeydiyyat nişanlı "OPEL" markalı minik avtomobilinin qalan hissələri yanğından mühafizə olunub.