FLAŞ
» » Dürüst və cəsarətli insanların idealı - cənab Baş Prokurorumuz !

Dürüst və cəsarətli insanların idealı - cənab Baş Prokurorumuz !


Azərbaycan hüquqi dövlət quruculuğu hər sahədə olduğu kimi ulu öndər Heydər Əliyevin adı ilə bağlıdır. Ulu öndərin hakimiyyətə qayıdışından sonra ölkəmizdə hüquq sahəsində islahatlar başlamış, bu sahədə mütərəqqi qərarlar verilmişdi. İslahatların ən böyük uğuru isə sözsüz ki, 12 noyabr 1995 - ci ildə ulu öndərin birbaşa rəhbərliyi altında hazırlanmış müstəqil dövlətimizin ilk Konstitusiyasının qəbulu olmuşdur. Prokurorluq orqanları hər zaman Heydər Əliyev cənablarının dövlətçilik fəlsəfəsində öz yerini tutmuşdur. Ən çətin vaxtlardan, müstəqilliyimizin ilk illərindən Azərbaycan Prokurorluğu yüksək mətin və iradə ilə çalışmış, bu günə qədər yüksək inkisaf yolu keçmişdir.

Bu gün Azərbaycan Prokurorluğu dövlətin əsas hüquqi strukturu, cinayətkarlığa qarşı mübarizədə ön sıradadır. Azərbaycan prokurorluq orqanları bu gün cənab Kamran Əliyevin rəhbərliyi altında öz inkişafının ən yüksək pilləsini yaşayır. Cənab prezident İlham Əliyevin diqqət və qayğısının parlaq nümunəsi olaraq Azərbaycan prokurorluğu bu gün yüksək dərəcədə peşakar maddi - texniki təminat  təchiz edilmiş, yüksək peşakar kadrlara təmin edilmişdir.

Cənab Baş Prokuror Kamran Əliyev dünyaya ölkəmizin ən dilbər guşəsi, doğma rayonumuz Balakəndə dünyaya göz açmışdır. Bu gün korrupsionerlərin  , rüşvətxorların və digər cinayətkarların qorxulu rüyasına çevrilmiş , böyük qəhrəmanlıqlar  göstərən Kamran müəllimin məhz Balakəndə doğulması , həyatının ilk çağlarını məhz burda keçirməsini bu gün Balakəndə hər kəs fəxrlə bildirir. Biz fəxr edirik ki, cənab prezidentin ən sadiq silahdaşlarından biri,  rüşvət və korrupsiyaya qarşının alınmasında əvəzsiz xidmətləri olan peşakar hüqüqşünas məhz bizim rayondadır.

Kamran müəllim prokurorluq orqanlarında uzun yol keçmişdir. SSRİ zamanında Rusiyada , daha sonra isə Azərbaycan da prokurorluq orqanlarında peşəkarcasına çalışmışdır. Aşağıdan ən yuxarı doğru yüksək peşəkarlığı və çalışqanlığı nəticəsində gəlmişdir. Uzun illər Azərbaycan Respublikasının Baş Prokuroru Yanında Korrupsiyaya Qarşı Mübarizə Baş İdarəsinin rəisi, daha sonra isə Baş Prokurorun müavini - Baş Prokuror Yaninda Korrupsiyaya Qarşı Mübarizə Baş İdarəsinin rəisi olmuşdur. Bu müddətdə baş idarə əməkdaşlarının onun rəhbərliyi altında keçirildiyi uğurlu əməliyyatlarla xeyli nüfüz qazanmış, Kamran Əliyev Azərbaycan xalqının dərin rəğbətini qazanmışdır. Hər zaman peşəkarlarla işləməyə böyük önəm verən cənab prezidentimiz İlham Əliyev 2021 - ci ildə Kamran Əliyevin Azərbaycan Respublikasının Baş Prokuroru vəzifəsinə təyin edilməsi üçün Milli Məclisə təqdimat göndərmişdir.

Kamran Əliyev Milli Məclisdə etdiyi çıxışda Azərbaycan dövlətçiliyinə hər zaman xidmət edəcəyinə , Ali Baş Komandana sədaqətlə xidmət edəcəyini bildirmişdir. Həmən təyinatdan keçən müddət onu göstərir ki, cənab Baş Prokurorun sözü ilə əməli birdir. Azərbaycan Prokurorluğunun cinayətkarlığa , xüsusilə də korrupsiyaya qarşı amansız mübarizəsi bu gün hər kəsin dilindədir. Kamran Əliyevin Baş Prokuror olması xalqın malına göz dikən, dövlətin onlara verdiyi səlahiyyətdən istifadə edərək hədlərini aşan , xalqa zülm edən məmurların qara gününün başlanğıcı oldu. Ard - arda müxtəlif qurumlarda keçirilən əməliyyatlar , vəzifəsindən və tutduğu mövqedən asılı olmayaraq rüşvətxor məmurların ədalət məhkəməsinə çıxarılması bir hüquqşünasın öz sözünə nə qədər sadiq olmasının, bir məmurun öz rəhbəri qarşındakı sədaqətinin  və bir insanın mərdliyinin , əzmkarlığının , cəsarətinin ən böyük nəticəsidir.

Bu gün Azərbaycan cəmiyyəti sağlamalaşır, cəmiyyətdə düzgünlük , dürüstlük öz yerini tapır. Cənab Baş Prokurorun xarakteri , gördüyü işlərin nəticəsi cəmiyyətdə də özünü göstərir. Vətən Müharibəsi zamanı cənab Baş Prokuror Kamran Əliyev erməni cinayətlərinin qarşının alınması , cinayətkarların beynalxalq dərəcədə ifşa edilməsi üçün əməlli fəaliyyət göstərmişdir. Prokurorluq orqanlarının səyi ilə ermənilərin Gəncə şəhərində, Bərdə rayonunda və digər bölgələrdə mülki əhaliyə qarşı törətdiyi cinayətlər dəqiq faktlarla araşdırılmış və cinayətkarların yaxalanması üçün əməlli tədbirlər heyata keçirilmişdir. Beynalxalq miqyasda erməni cinayətlərinin ifşa edilməsi üçün cənab Kamran Əliyevin rəhbərliyi altında Azərbaycan Respublikasının Baş Prokurorluğu böyük əmək sərf etmişdir.

Hörmətli cənab Baş Prokuror, Balakən camaatı hər zaman sizinlə fəxr edir, sizin bu elin, bu obanın oğlu olmasını hər zaman böyük iftixar hissi  ilə  xatırlayır və gələcəkdə də xatırlayacaqdır , sizin uğurlarınıza  hər zaman sevinir. Gördüyünüz işlərin daim uğurlu olması biz vətəndaşın ən böyük arzusudur. Çünki sizin fəaliyyətiniz Azərbaycan dövlətinin güclənməsinə , Azərbaycan cəmiyyətinin sağlamlaşdırılmasına yönəlmişdir. İşləriniz hər zaman uğurlu olsun cənab Baş Prokuror !

“Məmurlar vəzifənin verdiyi imkanlardan sui-istifadə edərək insanların həyatlarına zəhər qatmasınlar”