Oktyabrın 13-də Şəki-Zaqatala Regional Təhsil İdarəsinin müdiri Bəhruz Mehdiyev Balakən şəhərində bu rayonun qeydiyyatında olan sakinlərlə görüşüb. Rayon Təhsil sektorunda keçirilən qəbul zamanı 47 vətəndaşın təhsil sahəsi ilə bağlı müraciət və təklifləri dinlənilib.

Regional Təhsil İdarəsindən AZƏRTAC-ın bölgə müxbirinə bildirilib ki, müraciətlər əsasən işlə təmin olunma və digər məsələlərlə bağlı olub. Vətəndaşların müraciətlərinin bir qismi yerindəcə həllini tapıb, digər məsələlərin həlli istiqamətində isə müvafiq göstərişlər verilib.

Regional İdarəyə aid olan rayonlar üzrə vətəndaş qəbullarının davamlı olaraq keçirilməsi nəzərdə tutulur.