Balakən rayon İcra Hakimiyyətinin başçısı İslam Rzayev tərəfindən rayon ərazisində 200 nəfərlik iftar süfrəsi açılmışdır.

Rayonun Grand Palece şadlıq sarayında keçirilən mərasimə şəhid ailələri, qazilər , veteranlar, əlillər, qocalar və müxtəlif təbəqədən olan insanlar orucunu icra başçısı ilə birlikdə açmışdılar.

Müqəddəs Qurani - Kərimdən ayələrin oxunması ilə başlayan tədbir daha sonra icra başçısının çıxışı ilə davam etmişdi. Çıxış edən rayon rəhbəri hələ Novruz bayramı vaxtı şəhid ailələri və qazilərlə görüşü zamanı onlarla müqəddəs Ramazan ayında yenə görüşəcəyini dediyini xatırladaraq möhtərəm cənab prezident, müzəffər ali baş komandanın daim şəhid ailələri və qazilərə diqqət ayırdığını , onların sosial müdafiəsini gücləndirmək üçün çoxsaylı fərman və sərəncamlar verdiyini bildirmişdir.

İftar iştirakçıları da onlara göstərilən qayğıya görə dövlət başçısına təşəkkür etmiş, ayrıca belə gözəl tədbiri təşkil etdiyinə və onlara daim qayğı ilə yanaşdığına görə İslam müəllimə dərim minnətdarlıqlarını bildirmişlər.

Balaken.info
Foto: Ramazan