» » Balakəndə yüksək səviyyədə Zəfər günü qeyd olundu

Balakəndə yüksək səviyyədə Zəfər günü qeyd olundu


Respublikanın hər yerində olduğu kimi Balakəndə də 8 Noyabr – Zəfər günü böyük təntənə ilə qeyd olunur. Bayram mərasimi Ulu Öndər Heydər Əliyevin abidəsinə gül qoymaqla başlandı. Sonra şəhidlər xiyabanındakı  ucaldılmış  abidəyə gül qoyaraq şəhid məzarları ziyarət olundu.

Balakənin "Heydər Əliyev" parkında təşkil olunan bayram tədbirində Balakən Şəhər İcra Hakimiyyətinin başçısı İslam Rzayev,  millət vəkilləri, hüquq-mühafizə orqanlarının, idarə, müəssisə və təşkilatların rəhbərləri, şəhid ailələri və Vətən müharibəsi iştirakçıları, sakinlər iştirak ediblər.

8 Noyabr – Zəfər Gününə həsr olunan ümumşəhər tədbiri Azərbaycan Respublikasının Dövlət Himninin səslədirilməsi ilə açıq elan edilib.
Azərbaycanın müstəqilliyi, süverenliyi və ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad olunub.
Balakən Şəhər İcra Hakimiyyətinin başçısı İslam Rzayev çıxı edərək, tədbir iştirakçılarını Zəfər günü münasibətilə səmimi qəlbdən təbrik edib. O qeyd edib ki, Müzəffər Ali Baş Komandanın rəhbərliyi ilə Rəşadətli Azərbaycan Ordusu 30 ilə yaxındır davam edən işğala cəmi 44 günə son qoydu, düşməni əzəli torpaqlarımızdan qovdu. Vətən müharibəsi dövründə Balakən rayonun da çətin günlər yaşadı, lakin sınmadı, geri çəkilmədi. Əksinə rayon sakinləri möhtərəm cənab Prezident İlham Əliyevin ətrafında daha da sıx birləşdilər. Düşmən bir daha Azərbaycan xalqının əzmininin, qəhrəmanlığının şahidi oldu.

Balakənin “Heydər Əliyev” parkında təşkil olunan bayram tədbirindən sonra şəhər rəhbərliyi və qonaqlar 8 Noyabr – Zəfər gününə həsr olunan ağacəkmə aksiyasında iştrak ediblər. Ağacəkmə aksiyası zamanı rəsmilər, şəhər ictimaiyyətinin nümayəndələri və gənclərin iştirakı ilə ümumilikdə 2000 eldar şamı və digər həmişəyaşıl ağaclar əkilib.

Balaken.info
İbrahim Şıxməmmədov

Foto:Ramazan Abal



DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

Bayram günü hava necə olacaq?


Şərh yaz

Şərh yaz

yenilə, əgər kod görünmürsə