FLAŞ
» » Bayramın mübarək, igid Azərbaycan əsgəri !

Bayramın mübarək, igid Azərbaycan əsgəri !


Bu gün müstəqil Azərbaycanımın əlamətdar günüdür. Bu gün onların günüdür. İgid ordumuzun, 44 gündə bizi sevincə qərq edən, bizi bütünləşdirən, düşməni torpaqlarımızdan " iti qovan kimi qovan " o müzəffər ordunun. Bu gun dünyanın sonuncu qalib ordusunun günüdür. 103 il əvvəl bu gün Azərbaycan Xalq Cümhuriyyətinin Nazirlər Kabineti Azərbaycan ordusunun yaradılması haqqında qərar qəbul etdi. Yeni ordu quruculuğuna başlandı. Ordunun əsasını bütün çar Rusiyası da məşhur olan topçu generalı Əliağa Şıxlinskinin rəhbərlik etdiyi Əlahiddə Milli Korpusunun şəxsi heyəti təşkil edirdi. General Şıxlınıskidə müdafiə nazirinin müavini təyin edilərək ordu rəhbərliyində xidmətə başlayır. Müdafiə naziri vəzifəsinə rus - yapon müharibəsinin məşhur generalı, bütün Rusiyada məşhur olan Səməd bəy Mehmandarov, Baş Qərargah rəisi vəzifəsinə isə tatar əsilli general Süleyman bəy Sulkeviç gətirilir. Cümhuriyyət ordusu həmən zaman bir sıra qalibiyyətli əməliyyatlar həyata keçirir. Qarabağa, Zəngəzura və Naxçıvana hücuma keçən erməni quldurları igid ordumuz tərəfindən cəzalandırılır, Bakı qardaş türk ordusu ilə birlikdə bolşevik - daşnak qrupundan təmizlənir, əbədi şəkildə Azərbaycanın paytaxtı olur. Asi ermənilər 1920 - ci ildə yenidən Qarabağda üsyan qaldırır. Əsas qüvvə üsyanı yatırmağa göndərilir, şimal sərhədlərinin  müdafiəsi  zəifləyir. Bundan istifadə edən bolşeviklər şimal istiqamətindən Azərbaycana hücum edir. Yalama kəndində mövqe tutan Azərbaycan ordusunun igid hərbiçiləri qüvvələrinin sayının çox az olmasına baxmayaraq son damla qanlarına qədər düşmənə müqavimət göstərirlər. Azərbaycan işğal edilir və milli ordumuz dağıdılır. Ancaq milli ordunun yenidən təşkilinə elə sovet hakimiyyəti illərində başlayır. 70 - ci illərdə Azərbaycanda ilk dəfə hakimiyyətdə olan ulu öndər Heydər Əliyevin təşəbbüsü ilə yaradılmış Cəmşid Naxçıvanski adına Hərbi Lisey milli hərbi kadrların yaradılmasınında bünövrəsini qoyur. Birinci Qarabağ müharibəsində hələ formalaşmamış ordumuz ayrı - ayrı qruplar şəklində düşmənlə mübarizəyə girir. Uzun müddət davam edən siyasi böhrandan sonra 1993 - cü ildə hakimiyyətə gələn ulu öndər düşmənlə atəşkəs müqaviləsi bağlayır və dərhal milli ordu quruculuğuna başlayır. 2003 - cü ildən sonra bu siyasəti onun layiqli davamçısı İlham Əliyev davam etdirir. Ordumuz ən müasir hərbi texnika ilə təmin edilir. Peşakarlaşır, güclənir və şəksiz regionun ən güclü ordusuna çevrilir. 2016 - cı ilin Aprel müharibəsində düşmənə " qulaq burması " verir. Lakin ağlı başına gəlməyən düşmən 2020 - ci ilin sentyabrın 27 - də başlayan və 44 gün davam edən tarixi məğlubiyyətini yaşayır. İgid ordumuz sadəcə 44 gündə şəhərlərimizi, kəndlərimizi düşməndən geri alır. Noyabrın 8 - də ali baş komandan xalqa " Qarabağın qəlbi " , " Qafqazın milvarisi " Şuşanın azad edilməsinin müjdəsini verir. Noyabrın 10 - da isə diz üstə çökmüş düşmən kaputilasiya aktına qol çəkərək tarixi məğlubiyyətini yaşayır. Azərbaycan ordusu artıq qalib ordudur, güclüdür. Bu əziz , mübarək şanslı gündə saytımızın adından Allahdan bütün şəhidlərə rəhmət , ailələrinə və yaxınlarına səbr qazilərimizə şəfa, ordumuza isə güc - qüvvət arzu edirik. Bayramın mübarək igid Azərbaycan əsgəri !

Zeynal
Balaken.info

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

Davos İqtisadi Forumunun rəsmi saytında Prezident İlham Əliyevin məqaləsi yerləşdirilib


Şərh yaz

Şərh yaz

yenilə, əgər kod görünmürsə