FLAŞ
» » Balakəndə reyd keçirildi, karantini pozanlar cərimələndi

Balakəndə reyd keçirildi, karantini pozanlar cərimələndi


Koronavirus pandemiyasına qarşı mübarizə tədbirləri çərçivəsində Nazirlər Kabineti yanında Operativ Qərargahın qəbul etdiyi qərarlara uyğun olaraq, Balakən rayonunda karantin rejimi qaydalarının təmin edilməsi məqsədilə nəzarət tədbirləri həyata keçirilir.

DİN-in Mətbuat xidmətinin Şəki regional qrupundan "Balaken.info"ya verilən məlumata görə, bu gün Balakən Rayon İcra Hakimiyyətinin başçısı İslam Rzayev, Polis Şöbəsinin rəisi, eləcə də digər yerli idarə və təşkilat rəhbərlərinin iştirakı ilə keçirilən reyd zamanı sakinlər tərəfindən karantin rejimi qaydalarına əməl edilməsi, ictimai nəqliyyatda, qapalı obyektlərdə tibbi maskalardan istifadə olunması vəziyyəti yoxlanılıb.

Vətəndaşlara gigiyena qaydalarına riayət edilməsinin, tibbi maskadan istifadənin və sosial məsafənin saxlanılmasının vacibliyi izah olunub, tövsiyələr verilib. Həmçinin polis əməkdaşları tərəfindən karantin qaydalarını pozan vətəndaşlar barəsində qanunamüvafiq tədbir görülüb.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

Prezident İlham Əliyev Balakən rayonunun avtomobil yolunun tikintisi ilə bağlı sərəncam imzalayıb


Şərh yaz

Şərh yaz

yenilə, əgər kod görünmürsə