FLAŞ
» » “Azəriqaz”ın baş direktoru: “Zaqatala və Balakəndə qaz təchizatındakı çətinliklərlə özüm məşğul oluram”

“Azəriqaz”ın baş direktoru: “Zaqatala və Balakəndə qaz təchizatındakı çətinliklərlə özüm məşğul oluram”


“Əziz dostlar, Zaqatala və Balakən rayonlarının bəzi yaşayış məntəqələrində qaz təchizatında yaranan çətinliklərlə birbaşa özüm məşğul oluram. Proses tam nəzarətdə saxlanılır. Müvafiq strukturlara tapşırıqlar verilib və özüm başda olmaqla hamı iş başındadırlar”.

Bu barədə Balaken.info saytına “Azəriqaz” İstehsalat Birliyinin baş direktoru Ruslan Əliyev məlumat verib. 

“Yəni heç kim elə düşünməsin ki, biz bu prosesdən məlumatsızıq. Biz yaxşı bilirik ki, harda, hansı kənddə, hansı qəsəbədə qazın təminatı nə yerdədir. Yəqin siz də etiraf edərsiniz ki, təbii qaz təchizatının dayandırılması halı yoxdur. Sadəcə bəzi yaşayış məntəqələrində qazın təzyiqində çətinlik yaşanır. "Azəriqaz" İstehsalat Birliyi qaz paylayıcı qurumdur, bizə qədər böyük şəbəkə mövcuddur.

Bəzən bu şəbəkədə yaranan problemlər də bizə təsirsiz ötüşmür. Təzyiq düşürsə, onun əvvəlki vəziyyətə qaytarılması müəyyən qədər vaxt tələb edir. Bu, texnoloji bir prosesdir. Əmin olun ki, qısa müddətdən sonra hər şey qaydasına düşəcək. Lakin bu arada bəzi klaviatura qəhrəmanları sosial şəbəkədə əsassız fikirlər yazır, insanları çaşdıran paylaşımlar edirlər. Xahiş edirəm ki, belə məlumatlara inanmayın. Çaşqınlıq yaradan mənbələrdən uzaq durun.

Həqiqətin qaz təsərrüfatına dair düzgün məlumatın yeganə ünvanı "Azəriqaz" İstehsalat Birliyidir. Birliyin sosial şəbəkə ünvanları, mənim Facebook səhifəm, Çağrı Mərkəzi (104/185 saylı nömrələr) və 077 310 41 04 saylı “Whatsap” nömrəsi - budur əsaslı mənbə. Belə məqamlarda sizi dolaşıqlığa salan insanlara inanmayın. Mən sizin yanınızdayam, arxayın olun, bəzi xırda çətinliklər də tezliklə həllini tapacaq”, - deyə Ruslan Əliyev qeyd edib.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

Balakəndə xüsusi karantin rejimi qaydalarının təmin olunması ilə bağlı reydlər davam etdirilir


Şərh yaz

Şərh yaz

yenilə, əgər kod görünmürsə