» » Açıq havada maska məcburiyyəti aradan qaldırıla bilərmi? - AÇIQLAMA

Açıq havada maska məcburiyyəti aradan qaldırıla bilərmi? - AÇIQLAMA


“Dünyanın ən inkişaf etmiş ölkələrində belə maskasız küçəyə çıxmaq qadağandır. Vətəndaşlarımız bu qaydaya səbirlə yanaşmalıdırlar”.

Bunu e-huquq.az-a açıqlamasında Milli Məclisin deputatı Nəsib Məhəməliyev açıq havada maska taxılması ilə bağlı cəmiyyətdə edilən müzakirələrə münasibət bildirərkən deyib.

O bildirib ki, maska taxılması, əllərin yuyulması və məsafə saxlanması kimi üç qızıl qayda bütün dünya tərəfindən qəbul olunub. “Pandemiyanın birinci dalğasında bu məsələlərlə bağlı kifayət qədər təbliğat aparıldı, sərt karantin rejimi tətbiq olundu. Demək olar ki, Azərbaycan uğurla bu mərhələni keçdi. Müəyyən yumşalmalardan sonra biz qısa zaman ərzində gördük ki, gündəlik yoluxma sayı 5 mini keçdi. Bu da səhiyyəmiz üçün çox ciddi təhlükə hesab olunurdu”.

Deputatın sözlərinə görə, proseslərin nəzarətdə saxlanılması üçün maska taxılması vacibdir. "İnsanlar axşam vaxtı balkonda olarkən, həyətdə və digər yerlərdə gəzərkən təmiz hava almaq imkanları olur. Bəzi vətəndaşlarımız koronavirusa qeyri-ciddi yanaşır. Amma hesab edirəm ki, maska taxılması ilə bağlı hər hansı problem olmamalıdır, çünki bu vacib elementdir. Həm kafe və restoranlarda, həm də insanların toplaşdığı digər yerlərdə maskadan istifadə edilməsi vacibdir. Vətəndaşların bu qaydalara riayyət etməsi tezliklə virusa qalib gəlməyimizlə nəticələnə bilər”.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin





Almaniyada ilk dəfə olaraq koronavirusdan sağalanların sayı xəstələrin sayını ötdü


Şərh yaz

Şərh yaz

yenilə, əgər kod görünmürsə