FLAŞ
» » Balakəndə digərlərinin sağlamlığına təhlükə yaradan COVID-19 xəstələri barəsində cinayət işi başlanılıb

Balakəndə digərlərinin sağlamlığına təhlükə yaradan COVID-19 xəstələri barəsində cinayət işi başlanılıb


Balakəndə koronavirus infeksiyasına yoluxmuş ər və arvadın karantin rejimi qaydalarını kobud şəkildə pozaraq yaşadıqları ünvanı tərk etdikləri barədə Rayon Polis Şöbəsinə məlumat daxil olub.

DİN-in Mətbuat Xidmətinin Şəki regional qrupundan APA-ya verilən məlumata görə, rayonun Qullar kənd sakinləri - İlqar Taralov və Ruqiyyə Taralovaya COVID-19 virusuna yoluxduqları üçün evdə müalicə təyin edilib və sanitar-karantin rejimi qaydalarına riayət etmələri tapşırılıb. Lakin onlar qaydalara biganə yanaşaraq yaşadıqları ünvanları tərk etməklə ətrafdakıların da sağlamlığı üçün təhlükə yaradıblar. Həmin şəxslərin rayonun Gərəkli kəndi ərazisində olduqları müəyyən olunub və həkimlərin də iştirakı ilə Balakən Rayon Mərkəzi Xəstəxanasına yerləşdiriliblər.

İ.Taralov və R.Taralova barəsində Balakən Rayon Polis Şöbəsinin İstintaq bölməsində Azərbaycan Respublikası Cinayət Məcəlləsinin 139-1.1-ci maddəsi ilə cinayət işi başlanılıb.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

“Prezident söz xatirinə “İrəvan, Göyçə, Zəngəzur mahallarının qədim Azərbaycan torpaqlarıdır” demədi” - Deputat


Şərh yaz

Şərh yaz

yenilə, əgər kod görünmürsə