FLAŞ
» » Balakənli arıçı: Belə bayramların keçirilməsi arıçıları daha da ruhlandırır

Balakənli arıçı: Belə bayramların keçirilməsi arıçıları daha da ruhlandırır


Qaxda keçirilən Bal bayramında Balakən arıçılarını təmsil edirəm. Çox şadam ki, bu gün dövlətimiz arıçılığın inkişafına dəstək göstərir. Belə bayramların keçirilməsi biz arıçıları daha da ruhlandırır. Digər bölgələrdən gələn arıçılarla tanış oluruq, ünsiyyətimiz yaranır. Bildiklərimizi öyrədir, bilmədiklərimizi öyrənirik. Bal bayramı şirinlik bayramıdır. Arzu edirəm ki, insanlarımız bir-biri ilə daim şirin münasibətdə olsunlar.

Bu sözləri AZƏRTAC-ın bölgə müxbirinə müsahibəsində Qaxda keçirilən Bal bayramında iştirak edən balakənli arıçı İlqar Məmmədov deyib.

Məhsullarını müştərilərinə həmişə fərqli formada təqdim etməyi xoşlayan balakənli arıçı Bal bayramının iştirakçılarını da təəccübləndirməyi bacarıb. Arı şanılarından hazırlanmış çiçək və yarpaq formasında bal ağacı kompozisiyası iştirakçılar tərəfindən böyük maraqla qarşılanıb.

İ.Məmmədov deyib: “Dülgərlik sahəsində də qabiliyyətim olduğu üçün standart arı pətəklərindən, bal çərçivələrindən kənara çıxmaq, arıçılığa, eyni zamanda, bir sənət əsəri kimi də yanaşmaq istəyirdim. Bu məqsədlə arı şanılarını gül ləçəkləri formasında hazırlamağa başladım. Bu forma müştərilərimin də xoşuna gəldi, sifarişlərim artdı”.

Balakənli arıçının sözlərinə görə, sənət nümunələrini Bal bayramına satmaq məqsədi ilə deyil, sərgidə nümayiş etdirmək üçün gətirib. Eyni zamanda, bayramda satmaq üçün süzülmüş balı da var: “Hazırda təsərrüfatımda 100 arı ailəsi var. Hər il 700 kiloqramadək bal istehsal edirəm. Standart arı pətəkləri ilə daha çox bal istehsal edə də bilərəm. Sadəcə, sənət əsərləri formasında işlədiyim üçün süzülmüş balım nisbətən az olur”.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı 050 691 32 26 Whatsapp nömrəsinə göndərin

İlham Əliyev Kürdəmirdə “ASAN xidmət” mərkəzinin açılışında


Şərh yaz

Şərh yaz

yenilə, əgər kod görünmürsə