FLAŞ
» » Arıçılara 5 mln manatdan çox subsidiya veriləcək

Arıçılara 5 mln manatdan çox subsidiya veriləcək


Kənd Təsərrüfatı Nazirliyinin Elektron Kənd Təsərrüfatı İnformasiya Sistemində (EKTİS) 2020-ci il üzrə ölkədə 22 670 arıçı qeydiyyatdan keçib.
Bu barədə “Report” Nazirliyə istinadən xəbər verir.

Məlumata görə, bu arıçılar 22 781 arı təsərrüfatına sahib olmaqla 23 052 arıxanaya qulluq göstərirlər. Ümumilikdə, 506 944 arı pətəyi qeydiyyata alınıb. Ən çox arıçı, arı təsərrüfatı və pətək sayı Balakən rayonunda qeydə alınıb. Bu rayonda 1 104 arı təsərrüfatında 32 273 arı pətəyi saxlanılır. Arıçıların sayına görə isə Zaqatala rayonu 1 349 arıçı ilə ölkədə bu təsərrüfat fəaliyyətinə ən çox marağı olan rayon kimi qeyd olunub. Ağsu, Tovuz, Lerik, Qax rayonları da təsərrüfatların sayı ilə öndədir.

Arıçıların saxlamağa üstünlük verdiyi əsas arı cinsi Bozdağ Qafqaz cinsidir. Ölkə üzrə 395 090 ədəd bu cinsdən olan arı ailəsi qeydə alınıb.
Qeyd edək ki, Azərbaycan Respublikası Prezidentinin 27 iyun 2019-cu il tarixli Fərmanı ilə təsdiqlənmiş Subsidiya Qaydalarına görə, 1 arıxanaya görə 10 manat subsidiya ödənilir.  

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin







9 noyabr Azərbaycanda Dövlət Bayrağı Günüdür


Şərh yaz

Şərh yaz

yenilə, əgər kod görünmürsə