FLAŞ
» » Balakən RİH: Axşam saatlarından yağan güclü yağış yüngül fəsadlar törədib

Balakən RİH: Axşam saatlarından yağan güclü yağış yüngül fəsadlar törədib


“Axşam saatlarından yağan güclü yağış səbəbindən Balakəndə bir sıra yüngül fəsadlar yaranıb. Lakin çay daşqınları qeydə alınmayıb”.

Bu barədə Balaken.info-nun sorğusuna cavab olaraq Balakən Rayon İcra Hakimiyyətindən məlumat verilib.

Bildirilib ki, intensiv yağan yağış hər hansı ciddi hadisəyə səbəb olmayıb:

“Yağış sularının ərazilərdən təmizlənməsi istiqamətində gecə saatlarından indiyədək zəruri tədbirlər görülüb və tənzimlənmə işləri aparılıb. Balakən rayonu ərazisində çay daşqınları qeydə alınmayıb”.

Qeyri-sabit hava şəraiti Balakən rayonunda da bir-sıra fəsadlar törədib. Rayonun Qabaqçöl qəsəbəsi ərazisinə dolu yağıb. Rayon mərkəzi, Hənifə və Tülü kəndləri ərazisinə isə leysan yağıb. Leysan nəticəsində bir sıra evlərin birinci mərtəbəsinə, zirzəmilərinə və həyətyanı sahələrə yağış suları dolub. Rayon mərkəzində iki irigövdəli ağac yıxılıb. Rayon bir çox yaşayış məntəqəsinə qeyri-sabit hava şəraiti səbəbindən elektrik enerjisinin verilməsində fasilə yaranıb. Hazırda aidiyyəti qurumlar ərazidə müvafiq tədbirlər həyata keçirirlər.

Prezidentin etimadını doğruldan icra başçısı