Qondarma rejimin rəhbəri belə bir cəfəngiyat bəyanatla erməni gənclərinin qarşısında çıxış etmişdir.

Düşünürəm ki, bu bəyanat əsasən daxili auditoriyaya hesablanmışdır. Düşmən gözəl başa düşür ki, əgər Gəncəyə bir bomba belə atsa, Ermənistanda daş-daşın üstündə qalmayacaq. Çünki, Tovuz istiqamətində törətdikləri təxribatlardan sonra Ordumuzdan aldıqları layiqli cavablar, Azərbaycan gəncliyinin ölkə daxilində və xaricində nümayiş etdirdiyi milli birlik, düşmən ölkədə ciddi sarsıntı yaratmışdı.

Əgər diqqət etsək görərik ki, uzun illər atəşkəs, Dağlıq Qarabağ ərazisində yerləşən təmas xəttində pozulurdu və bu Ermənistan cəmiyyətində ciddi narahatlıq yaratmışdı. Ancaq iyul ayında baş verən hadisələrdən sonra ermənilər sərhəd zonalarından kütləvi şəkildə qaçmağa başlayırdılar. Necə ola bilər ki, əgər sənin güclü ordun varsa, lokal atışmadan dərhal sonra, soyuq münasibətdə olduğun ölkələrə yalvarırsan ki, amandı bizi xilas edin. Sadəcə məntiq yoxdur. Buna görə də düşünürəm ki, belə populist bəyanatlarla çalışırlar ki, erməni gəncliyində döyüş ruhunu qaldırsınlar və xəstə erməni xülyalarına inandırsınlar. Dünya erməniliyinin əsas məqsədi işğal olunmuş ərazilərdə məskunlaşmanı sürətləndirməkdir. Hər vəchlə çalışırlar ki, bir çox ölkələrdən, əsasən müsəlman ölkələrindən erməniləri Dağlıq Qarabağda və işğal olunmuş digər ərazilərdə yerləşdirsinlər. Görünən odur ki, onların bu siyasəti də alınmır. Başqa bir tərəfdən hər kəsə aydındır ki, erməni siyasi-hərbi rəhbərliyində yekdillik yox dərəcəsindədir.

Paşinyanın primitiv idarəetmə metodlarından sonra yaranmış qarşıdurmalar, parçalanmalar bir daha göstərir ki, üçüncü qüvvələr istənilən anda yeni təxribatlara əl ata bilərlər. Bu məsələyə təkcə regional konteksdən yanaşmaq doğru deyil, qlobal geosiyasi ziddiyətlər fonunda baxmaq lazımdır. Ona görə də bütün bunları nəzərə alaraq Ordumuz və xalqımız hər an istənilən ssenariyə hazır olmalıyıq. Hər bir vətəndaşımız siyasi, dini, milli əqidəsindən asılı olmayaraq Azərbaycan Prezidentinin yanında olmalıdır. Tam məsuliyyətlə deyə bilərəm ki, əgər müasir dünyanın yaratdığı geosiyasi mürəkkəbliklər düzgün qiymətləndiriməsə, olduqca ciddi problemlər yarana bilər. Ölkəmizin toxunulmazlığının, bütövlüyünün yeganə qarantiyası cənab İlham Əliyevdir.