Əziz həmvətənlər və dünya azərbaycanlıları.

Hər birinizi,başda Azərbaycan Respublikasının prezidenti cənab İlham Əliyev olmaqla, 31 dekabr “ Dünya azərbaycanlılarının həmrəylik” günü və miladi təqvimi ilə 2020- ci ilin gəlişi münasibətilə təbrik edir, möhkəm can sağlığı,rifah,əmin amanlıq,xoşbəxt həyat arzulayıram.
Artıq tarixə qovuşmaqda olan 2019- cu il, doğma vətənimiz Azərbaycan üçün, dərin,köklü islahatlar ili kimi yaddaşlarda qalacaqdır. Respublika prezidenti cənab İlham Əliyevin rəhbərliyi ilə, ilin əvvəlindən başlanan kadr və struktur islahatları,iqtisadiyyatı,sosial sahəni,aqrar sektoru,məhkəmə hüquq sistemini, silahlı qüvvələri, nəqliyyat- loqistika sahələrini,nazirlər kabinetini və sonda qanunverici orqanı əhatə etmişdir.Prezident administrasiyasının strukturu yenidən formalaşdırılmlşdır.

Heç şübhəsiz aparılan islahatlar, cəmiyyətin dinamik inkişafını təmin etməklə,əhali tərəfindən yüksək qiymətləndirilir və ölkə rəhbərliyinə olan inamı daha da artırır.Ən əsası isə,müasir dünyanın acı reallıqları olan,super gücə malik böyük dövlətlərin geosiyasi maraqlar uğrunda mübarizəsi,müharibələr,konfliklər,beynəlxalq hüquq normalarının deqradasiyaya uğradığı zamanda, Azərbaycanda yaradılmış sabit, müasir, modern dövlət,bir çox ölkələrdə yaşayan soydaşlarımız üçün istinad nöqtəsinə,müqəddəs varlığa çevrilmişdir. Dinindən,milli mənsubiyyətindən asılı olmayaraq milyonlarla insan,güclü,inkişaf etmiş Azərbaycanı özlərinin doğma vətəni hesab edir və ölkəmizlə qürur duyurlar.
Əziz həmvətənlər.

Sizi bir daha bu gözəl bayramlar münasibətilə təbrik edir, müqəddəs vətənimizin inkişafı naminə, istər daxildə,istərsə xaricdə həmrəy olmağınızı arzu edirəm.

Tanrı Sizi qorusun!!!