FLAŞ
» » “Xaricdən gecə gündüz söyüş püskürən insanlara əslində müxalifət demək olmaz” – Nəsib Məhəməliyev

“Xaricdən gecə gündüz söyüş püskürən insanlara əslində müxalifət demək olmaz” – Nəsib Məhəməliyev


“Özlərini müxalifət adlandıran, bütün etik normaları, xalqımızın əsrlərlə formalaşmış milli mənəvi dəyərlərini tapdalayaraq, xaricdən gecə gündüz söyüş püskürən insanlara əslində müxalifət demək olmaz. Əsl müxalifət odur ki, mövcud siyasi hakimiyyətin qəbul etdiyi qanunlara, qərarlara alternativ baxışlar ortaya qoyur, mətbuat, KİV- lər vasitəsilə cəmiyyətə çatdırır. Beləliklə cəmiyyətin nüfuzunu, seçkilərdə iştirak edərək, təmsilçilik hüququ qazanır”.

Bunu hafta.az-a açıqlamasında millət vəkili Nəsib Məhəməliyev deyib. Millət vəkilinin sözlərinə görə, çox təəsüf ki, son iki ildə, həyatda heç bir uğur əldə edə bilməyən, şəxsi problemlərinin səbəbini özündən başqa hamıda axtaran bəzi soydaşlarımız ifrat tərbiyəsizlik nümayiş etdirir, bütün mənəvi sərhədləri aşırlar: “Əvvəla, bu yaşa qədər heç bir halda leksikonunda söyüş olmayan bir insan kimi , qəti şəkildə pisləyirəm. Söyüş söyən insanları kimliyindən asılı olmayaraq zəif, tərbiyəsiz, cəmiyyət üçün ziyanlı hesab edirəm. Vəziyyətdən çıxış yolu kimi müxtəlif təkliflər səslənir. Müəyyən insanlar söyüşə daha çox söyməklə cavab verməyi üstün tuturlar. Mən hesab edirəm ki, ziyalılar, ictimai fəallar,ictimai həyatda artıq özlərini təsdiq etmiş gənclər, insanlarla çox sıx şəkildə təmas qurmalı, maarifləndirmə , onları narahat edən məsələlərlə bağlı izahat işləri aparmalıdırlar.Təbliğatı müstəsna olaraq nüfuzlu şəxslər, ixtisaslaşmış QHT-lər, psixoloqlar, ələlxüsus gənc ailələrlə, aılə qurmamış qızlarla( tərbiyə, ailədaxili və ictimai münasibətlər, etika və estetika qaydalarının təbliği) ilə bağlı dəyirmi masalar təşkil etməlidirlər.

İkincisi, məmur vətəndaş münasibətləri elə tənzimlənməlidir ki, məmur vəzifənin verdiyi imkanlardan sui istifadə etməməli, vətəndaş isə qanunsuz tələblərii ilə məmuru hüquq pozuntusuna vadar etməməlidir. Qarşılıqlı inam mühiti yaradılmalıdır. Bir sıra hallarda məmurların şəxsi maraqlar naminə vətəndaşların dövlətdən narazı salmaq faktları ilə rastlaşırıq”. 

“Uzun illər icra strukturlarında işləmiş bir şəxs kimi, tam məsuliyyətlə deyə bilərəm ki,cənab prezident İlham Əliyev  respublikanın qarşısında duran problemlərin əksəriyyətini həll edib”- deyə millət vəkili bildirib. Nəsib Məhəməliyevin sözlərinə görə, ancaq təəssüf ki, bu qədər görülən işlərin üzərinə, inkişafa kölgə salan məmurlar da vardır. “Hər bir məmurun, xalqın xidmətçisi olmalıdır”  lozunqunu irəli sürən Prezident hamıya şəxsi nümunə göstərir: “Hal hazırda reqionda və dünyada baş verən hadisələrin fonunda hər şeydən əvvəl dövlətçiliyimiizin qorunması, milli birliyimizin təmin olunması olduqca vacib məsələlərdir. İstər daxildə, istərsə xaricdə yaşayan hər bir vətəndaşımız dövlətçilik naminə birləşməyi bacarmalıdır. Çünki, vətən hər şeydən önəmlidir”.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

Deputat bıçaqlanmaya görə nəzərdə tutulan cəzanın sərtləşdirilməsini təklif edib


Şərh yaz

Şərh yaz

yenilə, əgər kod görünmürsə