Sosial şəbəklərdə 1932-ci ildən 2017-ci ilə qədər doğulmuş vətəndaşlara Dövlət Sosial Müdafiə Fondu tərəfindən 1000 manat veriləcəyi ilə bağlı paylaşım edən şəxs həbs olunub.

Balaken.info-nun əldə etdiyi xəbərə görə, 35 yaşlı H.M-ya inzibati qaydada 9 sutka həbs verilib.

Polisin keçirdiyi tədbirlərlə həmin şəxs Balakən rayonunda saxlanılıb. İnternetdə yayılması qadağan edilən məlumat paylaşmaqda təqsirli bilinən şəxsin bazarda satıcı işlədiyi məlum olub. O, əməlindən peşman olduğunu, bir daha belə şey etməyəcəyini deyib.

Qeyd edək ki, həmin paylaşım tiktokda qısa müddətdə 13 min nəfər tərəfindən izlənib. İzləyicilərin çoxu pulu necə ala biləcəklərini soruşublar.lentaz//

Şahidi olduğunuz hadisələri çəkib bizə göndərin! 7/24 whatsapp