» » "Cənab prezident faktlarla Paşinyanın siyasətdən və insanlıqdan uzaq olduğunu sübut etdi" - DEPUTAT

"Cənab prezident faktlarla Paşinyanın siyasətdən və insanlıqdan uzaq olduğunu sübut etdi" - DEPUTAT


Xəbər verdiyimiz kimi, Azərbaycan Respublikasının Prezidenti İlham Əliyev sentyabrın 19-da Heydər Əliyev adına Bakı dərin özüllər zavodunda "Abşeron" yatağının dəniz əməliyyatlarının təməlqoyma mərasimində iştirak edib. Dövlətimizin başçısı mərasimdən sonra Azərbaycan Televiziyasına, İctimai Televiziyaya və Real Televiziyasına müsahibə verib. Müsahibə zamanı ölkə başçısı bir çox mühüm məsələlərə, eləcə də ermənilərin işğal olunmuş torpaqlarımızda apardığı qeyri-qanuni məskunlaşma siyasətinə toxunub.

Bununla bağlı Sonxeber.az-a danışan deputat Nəsib Məhəməliyev bidirib ki, Prezidentin sentyabrın 19-da Heydər Əliyev adına Bakı dərin özüllər zavodunda "Abşeron" yatağının dəniz əməliyyatlarının təməlqoyma mərasimində iştirak edən zaman verdiyi müsahibə Azərbaycan xalqı maraqlandıran əhəmiyyətli müsahibə idi:

"Müsahibədə nefçilərinn peşə bayramı ilə əlaqədar neft-qaz sektorunda çalışan insanların əməyindən, neftin və qazın Azərbaycan iqtisadiyyatında, tarixində rolundan, bundan əlavə Çar Rusiyasında, Sovetlər İttifaqı və xüsusilə də İkinci Dünya Müharibəsi zamanı neftimizin faşizmlə mübarizədə qələbənin təmin olunmasında əhəmiyyətindən, xalqımızın cəbhə bölgələrində göstərdiyi rəşadətdən, Rostov şəhərində ucaldılan abidədən, Sloveniyada abidəsi ucadılan Sovet İttifaqı Qəhrəmanı Mehdi Hüseynzadədən, ondan sonra Berlinin alınması zamanı Brandenburq qapısı üzərində qələbədə Sovet bayrağını dalğalandıran polkovnik Rəşid Məcidovdan danışaraq cənab Prezident bir növ tarixə ekskursiya etmiş oldu. Cənab Prezident xalqımızın əldə etdiyi uğurları böyük qürur hissi ilə qeyd edirdi. Müharibə şəraitində yaşadığımız üçün cənab Prezidentimiz bu müsahibəsi ilə xalqımızda böyük ruh yüksəkliyi yaratdı. O, tariximizlə, xalqımızla qürur duymağı aşılayırdı. Bütün bunlar, əlbəttə, olduqca əhəmiyyətli idi. Bundan başqa, o, Azərbaycan xalqının ciddi problemi olan Dağlıq Qarabağ, Ermənistanın apardığı təxribatlar və dünyada baş verən geosiyasi problemlərlə bağlı vətəndaşlarımızı kifayət qədər məlumatlandırdı. Ölkə başçısının bu məsajlarının olduqca böyük əhəmiyyəti var".

Deputat vurğulayıb ki, xalq dostu ilə düşmənini tanımalı, hansı çətin durumla qarşılaşdığımızı anlamalıdır:

"İyul ayında ermənilərin törətdikləri təxribatlardan sonra Ermənistana davamlı olaraq silah daşıyanları, eləcə də qardaş Türkiyə dövlətinin hərbi-siyasi rəhbərliyinin birmənalı şəkildə xalqımızın yanında olmasını, Azərbaycanın da qarşılaşacağı bütün çətinliklərdə Türkiyənin yanında olduğunu cənab Prezident bir daha qeyd edib. Bütün bu bəyanatlar bugünkü geosiyasi vəziyyətdə olduqca vacib və əhəmiyyətlidir. Bu gün ermənilər Yaxın Şərqdə qapı-qapı gəzərək İraqdan, Suriyadan, Livandan erməni və kürd əsilli terrorçuları Dağlıq Qarabağa yerləşdirərək bizimlə müharibəyə cəlb etmək istəyirlər. Ermənistanın İraqdakı səfiri terror təşkilatlarının rəhbərləri ilə görüşərək danışıqlar aparır. Orada Azərbaycanın, Türkiyənin əlehinə olan terror təşkilatlarının rəhbərliyi buna razılıq verir.

Burada bir məsələ ortaya çıxır. Son 30 ildə ermənilər bütün dünyaya car çəkirlər ki, "biz müsəlmanların əhatəsində nəfəs ala bilmirik. Bizi sıxırlar, xristian olduğumuz üçün qırırlar". Min bir böhtan ataraq, guya Türkiyənin və Azərbaycanın Ermənistana təzyiq göstərdiyini qeyd edirlər. Onlar bu yalanlarla dünya ictimaiyyətini aldatmağa çalışırlar. Çox təssüf ki, özlərini İslam dövləti adlandıran bəzi ölkələr birmənalı olaraq Ermənistana dəstək göstərirlər. Ermənilər bir tərəfdən məscidləri, tarixi və mədəni abidələri dağıdır, digər tərəfdən isə kütləvi şəkildə müsəlmanlara qarşı qırğınlar törədirlər. Ən önəmlisi isə Ermənistanda bir nəfər də müsəlman yoxdur. Bütün bunlara baxmayaraq, özlərini müsəlman adlandıran ölkələr ermənilərə qucaq açır, yardımlar edirlər. Əlbəttə, bütün bunlar qəbul edilməzdir. İslam ölkələri bu barədə düşünüməlidir".

Nəsib Məhəməliyev söyləyib ki, cənab Prezident Nikol Paşinyanın tarixdən, siyasətdən və insanlıqdan uzaq yaramaz insan olduğunu faktlarla sübut edib: "O, Azərbaycan kimi dövlətə və siyasi liderinə şərtlər qoymağa çalışır. Əlbəttə, bu şərtlərin heç biri qəbul edilməyəcək. Bu gün Azərbaycan ordusu güclüdür. Azərbaycanın siyasi rəhbəri dünyada kifayət qədər tanınan və yüksək nüfuza malik olan lider kimi özünü təsdiq edib. Azərbaycana qarşı bu cür hərəkətlər qəbuledilməzdir. Mən hesab edirəm ki, cənab Prezidentin bu müsahibəsi hərtərəfli düşünülmüş və Azərbaycan xalqına gələcək fəaliyyəti ilə bağlı verilmiş məsaj idi. Çox təəssüf ki, daxildə xarici qüvvələrin təxribatlarına dəstək verən "5-ci kalon"un nümayəndələri var. Radikal müxalifətin bəzi üzvləri çalışırlar ki, dövlətimiz içəridən sarsılsın. Biz bütün bu cür təxribatlara qarşı ayıq-sayıq olmalı, cənab Prezidentin ətrafında sıx birləşərək dövlətimizin müstəqilliyini, sabitliyini və ərazi bütövlüyünü qorumalıyıq".

Balakəndə maşın 75 yaşlı piyadanı vurub öldürdü